威士忌入門智識、平價威士忌推薦、香港飲威經驗分享
我飲威士忌嘅故事要由 2017 年講起。當時尚在大學的我很喜歡一套劇集 Suits，講述一班律師鬥智鬥力的故事，主角們每當煩惱，或高興的時候都喜歡喝一口 Macallan 18。當時很迷這套劇，想想，未讀律師，也不如去喝一口 Macallan ，感受一下他們的世界
當時一個窮苦書生的我，就買了 Macallan 12 triple casks 的酒版，放在宿舍的櫃上，告訴自己，今個sem 要努力，將來要飲得起 Macallan 18，買得起Macallan 30
無記錯當時好似完sem ge 時候飲哂佢。嘩一飲，不得了，從此開闊我飲酒 ge 世界。飲完呢次之後就開始試下其他酒款同上網搵入 d 威士忌入門 ge 知識。但係發覺好多都係台灣網站，d 知識又好一岩一忽。無一個比較好ge 概觀。所以希望寫篇文，整理一下我對威士忌 ge 認識。同時亦都希望幫到下新手入門 ge 朋友，可以一文睇哂要識 ge 野，輕鬆投入飲威 ge 世界，同人分享一下飲威士忌 ge 喜悅。
事不而遲，馬上開始
威士忌係有好多種唔同風格，唔同口味。
岩岩飲威士忌，我一定推薦試左 Macallan ge sherry oak 先。Sherry Oak，即係用釀造過雪莉酒ge 木桶，再去入威士忌落去陳年，出黎 ge 酒會有d 葡萄乾、杏仁、堅果等等 ge 味道。而呢種味道就係普遍人所講ge 威士忌味，所以我覺得第一隻要試ge 一定係sherry oak ge 酒，因為確立番條基準線，起碼叫做知道 whisky sherry oak 叫係d 咩野，人地講起你會明白係一個咩野感覺。
Sherry Oak 唔係 Macallan 本身 ge 專利，亦都唔算太平，但我點解會推介入門一定要飲呢個牌子呢？因為 Macallan 12 年味道係好standard，個味道我會叫夠純，酒精感唔重，一定飲得落。信我la，都有幾多平野其實飲唔落）。第二樣野佢係好普通，周圍都有，睇完呢篇文即刻落街幫襯誠哥就得。所以第一枝我都幾建議係呢枝。
第二枝，我會叫人試 Talisker 10。 Talisker 間廠近海﹐孕育出黎ge 酒會有好豐富 ge 鹹味，同 Macallan ge sherry 味係完全唔同感覺，都算係光譜ge 兩端。呢枝亦都唔係貴，亦唔係難搵，所以試完macallan 試呢枝就都幾明白到原來whiskey ge 光譜可以好闊。
第三枝我會叫人試係 Maker’s marks, 美國ge 波本桶。第一就係同以上兩枝唔同國家做，另外佢係穀物威士忌，同上面兩枝風格好唔同。相對好甜，花香味重。好清新，女仔飲都好岩。而且飲唔哂ge 話用黎送雲呢那雪糕一流。
講住呢三枝先
