鴻福堂同food panda

今日有野做，遲左落觀塘射箭，諗住草草去鴻福堂買個飯食。當我等緊d 飯翻熱個時，有個外賣員，黎攞food panda ge delivery。點知原來間舖無哂貨，比唔到個外賣員送。d 鴻福堂姐姐唔識講英文，唔知點同個外賣員講無貨，結果擾讓左一輪，我都忍唔住幫手做下翻繹。結果外賣員哥哥要打番上台問點解。

等左一陣，food panda 打番落去鴻福堂到，點知，又係外國人要講英文，d 姐姐即刻扔左個電話比我，叫我講。好彩雖然我英文好廢，但都叫settle 到。

短短5 分鐘ge事令我有三個take away。

第一，如果作為一個大集團ge 老闆，當我想選擇用一啲較新ge 科技／做法時，應該要將前線員工ge 適應能力考慮在內，因為同樣事情如果處理不當係好易整壞公司形像。

第二，如果作為一間初創ge 老闆，應該要考慮下相關市場ge 適應力。個外賣員係講英文，背後back office support 又係講英文，香港地咁多姐姐唔識英文，再複雜d ge 野唔會溝通到，最後又係做壞自己個朵。

第三，如果food panda 同deliveroo 揀，外賣員哥哥話用deliveroo la 因為deliveroo 可以直接call 到個客，唔洗等call 台，費時失事 haha